Rusiya Ukraynaya “od yağdırdı” | Yaşayış binası PUA-larla vuruldu, dəhşət yaşandı

Ukrayna pilotsuz uçuş aparatlarının hücumuna məruz qalıb.

Rusiya ordusu hücumu 52 ədəd “Şahed” dronu ilə həyata keçirib. PUA-lardan 40-ı zərərsizləşdirilib. Bəzi aviazərbələrin qarşısını almaq olmayıb.

Odessa şəhəri də hücuma məruz qalıb. Şəhər administrasiyasının rəhbəri rəhbər Oleq Kiper bildirib ki, çoxmərtəbəli yaşayış binası hədəf alınıb. 7, 8 və 9-cu mərtəbələrdə yanğın olub. 6 mənzil tamamilə yararsız vəziyyətə düşüb, 36-sı qismən zədələnib.

Yaralılar arasında 7-9 yaşlı oğlan və qız var. Zərbəyə məruz qalan mərtəbələrdən 10 nəfər xilas olunub. Ümumilikdə binadan 50 nəfər təxliyə edilib.

Digər məlumata görə, Ukraynanın 12 istiqamətində 185 hərbi toqquşma qeydə alınıb. Pokrovsk istiqamətində 50 hücum dəf edilib. Rusiya ordusu Cənubi Slobojanskın müdafiə xəttini 25 dəfə yarmağa çalışıb, amma Ukrayna silahlı qüvvələri buna imkan verməyib.

Rusiya isə gecə ərzində Ukraynaya aid 69 PUA-nı məhv edib. Dronlar Belqorod, Voronej, Lipetsk, Kursk və Krım səmasında vurulub.