Rusiya Ukraynaya raket və dronlarla hücum edib

Rusiya Ordusu fevralın 26-da Ukraynaya 11-i ballistik olmaqla 39 raket və 420 dronla zərbə endirib.

Bu barədə Ukrayna Prezidenti Volodimir Zelenski bildirib.

“Səkkiz bölgədə dağıntılar var: bir çox fərdi və çoxmərtəbəli bina zədələnib. İndiyə olan məlumata görə, bu hücum nəticəsində uşaqlar da daxil olmaqla onlarla yaralı var”, – deyə Zelenski qeyd edib.

Kiyev rəsmiləri şəhərin üç rayonunda bir neçə binanın vurulan raketlər və dronların dağıntıları nəticəsində zərər gördüyünü bildirib.

Rusiyanın raket və dronlarla hücumları şərq və cənub bölgələrində yaşayış binalarına ziyan vurub və təxminən 20 nəfər yaralanıb. Ballistik və qanadlı raketlər ölkənin şərqində Kiyevə və Xarkova yönəldilib, dronlar isə cənubda Zaporojyeyə hücum edib.

Zaporojye şəhərində bir çox yaşayış binasına hücumlar nəticəsində azı 14 nəfər yaralanıb. Tez-tez hücumların mərkəzi olan Zaporojye bölgəsində Avropanın ən böyük nüvə elektrik stansiyası yerləşir və bu stansiya Rusiyanın nəzarəti altındadır. Kiyev Moskvanı son həftələrdə mülki infrastruktura hücumları artırmaqda ittiham edib.