Rusiya XİN-dən qalmaqallı foto | Lavrov “soyqırımı abidəsi”nə niyə getmədi?

22 may 2025 509 baxış

İrəvanda qondarma erməni soyqırımı memorialına ziyarət dünən Ermənistanda səfərdə olan Rusiya xarici işlər naziri Sergey Lavrovun proqramından çıxarılıb.

Bu barədə “Hraparak” qəzeti məlumat yayıb.

Erməni nəşri xatırladır ki, Rusiya Xarici İşlər Nazirliyi Sergey Lavrovun səfəri ərəfəsində onun səfər proqramını açıqlayıb:

“Rusiya XİN bəyan etmişdi ki, ənənəyə uyğun olaraq, səfər çərçivəsində İrəvanda “Naməlum əsgərin məzarının əbədi məşəli” önünə gül dəstələri, “erməni soyqırımı” qurbanlarının xatirəsinə ucaldılmış abidənin önünə əklil qoyulacaq. Amma dünən məlum olub ki, soyqırımı memorialına ziyarət səfər proqramından çıxarılıb, Sergey Lavrov ora sadəcə əklil göndərib.

Rəsmi izahat səfər proqramının dolu olması ilə bağlıdır. Ancaq Rusiya XİN bunu “Naməlum əsgər” abidəsini ziyarət edərkən Lavrovun çəkilmiş, arxa planda Ağrı dağı olan foto ilə kompensasiya etməyə çalışıb”.

#Qondarma erməni soyqırımı