Rusiyada aləm bir-birinə dəydi | Qızğın döyüşlərin nəticəsi açıqlandı

“Diversiya qrupları Rusiyanın iki sərhədyanı regionunu “aktiv döyüş əməliyyatları zonası”na çevirib”.

Bu barədə Ukrayna Müdafiə Nazirliyinin Baş Kəşfiyyat İdarəsinin nümayəndəsi Andriy Yusov açıqlama verib.

Onun sözlərinə görə, sözügedən qruplar Belqorod və Kursk vilayətlərində döyüşəcəklərini bildirərək təhlükəsizlik məqsədilə sakinlərdən ərazini tərk etmələrini istəyib. Rusiya Müdafiə Nazirliyi isə öz növbəsində ukraynalıların sərhədi yarmaq cəhdinin qarşısının alındığını bildirib.

Məlumata görə, Belqorod vilayətinin ərazisinə soxulmağa cəhd edən 195-ə qədər ukraynalı hərbçi öldürülüb.

Hadisə ilə bağlı vilayətin qubernatoru Vyaçeslav Qladkov da açıqlama verərək sərhədə hücum nəticəsində iki nəfərin öldüyünü, azı 20 nəfərin yaralandığını qeyd edib.

Bildirib ki, artıq regionda Ukrayna qoşunları yoxdur, döyüşlər sərhəddən kənarda gedir. Onun sözlərinə görə, hadisə nəticəsində Kozinkaya ciddi ziyan dəyib, sakinlər təxliyə edilib.

Bundan başqa, Kursk vilayətinin qubernatoru Roman Starovoyt da Ukraynanın diversiya-kəşfiyyat qrupunun Tetkino kəndinə girməyə cəhdinin uğursuz olduğunu açıqlayıb.