Rusiyada əcnəbi işçilərə niyə məhdudiyyət qoyulur?

Rusiya Federasiyasının Əmək Nazirliyi “Xarici vətəndaşların hüquqi statusu haqqında” qanuna dəyişiklik etməyi planlaşdırır.

Nəticədə isə Rusiyaya gedən soydaşlarımız bir sıra məhdudiyyətlərlə üzləşəcəklər. Sözügedən dəyişikliklər əmək müqavilələrinin müddətinə də təsir edəcək.

“Əcnəbi ilə əmək müqaviləsinin bağlanma müddəti indiki kimi müddətsiz deyil, iki illə məhdudlaşdırılacaq. İş icazəsi alanlar bir ay ərzində rus dili, Rusiya tarixi və qanunvericiliyini bildiklərini təsdiq edən sənəd təqdim etməlidirlər”, – deyə qurumdan bildirilib.

Rusiya mediasının yaydığı məlumata görə, nazirliyin bu addımı son günlərdə ölkədə baş verən terror aktı və təxribat cəhdləri ilə əlaqəlidir. Sözügedən məsələlərdən sonra Rusiya ölkənin və vətəndaşlarının təhlükəsizliyini təmin etmək məqsədilə əcnəbilərə qarşı müəyyən məhdudiyyətlər qoymaq niyyətindədir.