Donbasda konsert zalı raketlə vuruldu: məşhur aktrisa həlak oldu

Ukrayna Silahlı Qüvvələrinin Donbası raket atəşinə tutması nəticəsində rusiyalı aktrisa Polina Menşix həlak olub.

Ölkə mediasının xəbərinə görə, konsert zalına edilən hücumlarda ağır xəsarətlər alan aktrisa xəstəxanaya çatdırılsa da, onun həyatını xilas etmək mümkün olmayıb.

Bildirilib ki, Polina Menşix həmin vaxt hərbi qulluqçular qarşısında konsert proqramı ilə çıxış edirmiş. Sosial şəbəkələrdə hücum anını əks etdirən video yayılıb.

Qeyd edək ki, rusiyalı ifaçı Polina Menşix həmçinin “Nejen” teatrının direktoru, xoreoqraf, rejissor və dramaturq idi.