Rusiyalı millət vəkili müharibədə öldü

Rusiyanın Buryatiya Respublikası "Xurtaqinskoye" yaşayış məntəqəsinin deputatı Daşa Darijapov Ukraynada gedən müharibə zamanı həlak olub.

Bu barədə Rusiya mediası məlumat yayıb. Deputatın martın 18-də baş verən döyüşdə həyatını itirdiyi bildirilir. D.Darijapov Uqledar yaxınlığında gedən döyüşlər zamanı qəlpə yarasından vəfat edib.

Qeyd edək ki, rusiyalı deputat kiçik çavuş rütbəsi ilə motoatıcı batalyonda vuruşurdu. O, 2022-ci ilin sentyabr ayında müharibəyə göndərilmişdi. Deputatın dəfn mərasimi martın 31-də doğulduğu Xurtağa kəndində keçiriləcək. D.Darijapov müharibədəki xidmətlərinə görə "Şücaət ordeni” ilə təltif olunub.