Rusiyanın 5 gizli obyektindən qalmaqallı görüntülər | Nüvə savaşı başlayır?

Rusiyanın nüvə qüvvələrinə aid 5 gizli obyektdə genişmiqyaslı işlər görülür.

“Business İnsider”in məlumatına görə, “Planet Labs”ın peyk görüntülərində yenidənqurma işlərinin aparıldığı, yeni anbarın tikildiyi və tunellərin qazıldığı əks olunub.

Gizli obyektlərdən biri Belarusda yerləşir. Burada 3 qoruyucu laydan ibarət yeni hasar tikilib. Nüvə başlıqlarının daşınması üçün dəmiryol xətti də mövcuddur.

İkinci obyekt Murmanskdadır. Sualtı qayıqların raket bazasında 6 yeni tikili var. Üçüncü gizli obyekt olan Kalininqradda yeni binalar inşa olunub.

Sakit okean donanmasının bazası sayılan Kamçatka dördüncü gizli obyektdir. Orada nüvə başlıqlı “Poseydon” torpedalarının saxlanılması üçün şərait yaradılır.

Novaya Zemlya (Yeni torpaq) peyk görüntüləri yayılan 5-ci obyektdir. Orada daha əvvəl də nüvə sınaqları keçirilib.

Yeni tunel və tikililər indi də müəyyən təcrübələrin aparıldığına işarə edir.