Rusiyanın Aİ nümayəndəliyinə hücumu cavabsız qalmadı

Avropa İttifaqı Rusiyanın Brüsseldəki səfirini çağırır.

Qurumun xarici işlər və təhlükəsizlik siyasəti üzrə ali nümayəndəsi Kaya Kallas sosial şəbəkə hesabında yazıb ki, Kiyevdə nümayəndəliklərinin binası Rusiyanın hücumu nəticəsində ziyan gördükdən sonra ofisdə olan həmkarları ilə danışıb:

“Heç bir diplomatik nümayəndəlik hədəfə alınmamalıdır. Buna cavab olaraq Rusiyanın Brüsseldəki səfirini çağırırıq”.

Avropa Komissiyasının sədri Ursula fon der Lyayen də həmçinin Aİ nümayəndəliyinin Kiyevdəki binasına ziyan vurulmasından sonra qəzəbləndiyini söyləyib:

“Mən Kiyevə edilən hücumdan, o cümlədən Aİ ofislərimizin vurulmasından hiddətlənmişəm. Bu, iyuldan bəri paytaxta edilən ən qanlı pilotsuz uçuş aparatı və raket hücumu idi. Ekranda arxamda gördüyünüz kimi, bu hücum həm də nümayəndəliyimizə yönəlib. Mən səfirin müavini ilə danışdım və əməkdaşlarımızın zərər görməməsinə görə rahat oldum.

Dünən gecə baş verən hücum diplomatik missiyamıza, İttifaqımızın təmsilçiliyinə çox yaxın məsafədə baş verdi. İki raket nümayəndəlikdən cəmi 50 metr aralıya və cəmi 20 saniyə fasilə ilə düşdü. Bu nəyin bahasına olursa-olsun riskdə olduğumuzu bizə bir daha acı şəkildə xatırladır. Bu, Kremlin Ukraynanı qorxutmaq üçün heç nədən çəkinmədiyini göstərir, mülki şəxsləri, kişiləri, qadınları və uşaqları kor-koranə şəkildə öldürür, hətta Avropa İttifaqını da hədəfə alır”.