Rusiyanın əməli bütün dünyaya qorxu saldı | ABŞ hərəkətə keçdi

ABŞ-nin müşahidə peykləri Rusiya hərbi peyklərinin qəribə hərəkətlərini izləyərkən onların Yer orbitinə müəmmalı obyektlər buraxdığını müəyyən edib.

Bəs bu müəmmalı obyektlər nə ola bilər?

Məsələ ondadır ki, 2025-ci il fevralın 5-də orbitə buraxılan üç Rusiya peyki Yer ətrafında naməlum bir obyekt yerləşdirib. Lakin bu obyektin nə olduğu və hansı məqsədlə istifadə edildiyi hələ də qeyri-müəyyən olaraq qalır. Kosmosda həyata keçirilən bu əməliyyat beynəlxalq arenada bir sıra suallar və yeni narahatlıqlar doğurub.

ABŞ rəsmilərinin fikrincə, buraxılan obyekt "hücum və müdafiə taktikaları" nümayiş etdirən bir sistem ola bilər. Bu obyektin düşmən peyklərini izləmə, mühasirəyə və hətta hədəfə alma qabiliyyətinə malik olduğu ehtimal edilir.

Bu peyklərin sırf hərbi məqsədlərlə dizayn edildiyinə dair şübhələr isə kifayət qədər güclüdür. İddialara görə, onlar yalnız müşahidə və casusluq deyil, həm də birbaşa hücum əməliyyatlarını dəstəkləmək imkanına malikdirlər.

Rusiya tərəfindən buraxılan bu yeni peyklərlə test manevrləri həyata keçirildiyi, yoxsa müşahidə və ya hücum hazırlığı aparıldığı hələ də məlum deyil. Amerikalı alimlər onların məqsədini müəyyən etmək üçün intensiv araşdırmalar aparırlar.