Rusiyanın taktiki dronları vuruldu

Rusiya qoşunları son 24 saat ərzində Ukraynanın enerji və nəqliyyat infrastrukturuna hücum edib.

Rusiya Müdafiə Nazirliyindən verilən məlumata görə, Rusiya qüvvələri Sumı, Xarkov, Donetsk və digər istiqamətlərdə əməliyyatları davam etdirərək Ukraynanın uzaqmənzilli dronlar istehsal edən müəssisələri, enerji və nəqliyyat infrastrukturu, Ukrayna Silahlı Qüvvələrinin yerləşdirmə məntəqələri daxil olmaqla 149 hədəfə zərbə endirib.

Rusiya Hava Hücumundan Müdafiə sistemləri 6 idarə olunan hava bombasını, doqquz ABŞ istehsalı HIMARS raketini və 220 sabit qanadlı PUA-nı məhv edib.

Ukrayna Silahlı Qüvvələrinin Baş Qərargahından isə bildirilib ki, son bir gündə cəbhə xəttində 133 döyüş baş verib və Ukrayna qüvvələri Rusiyanın müxtəlif istiqamətlərdə hücumlarını dəf edib.

Ukrayna Hərbi Hava Qüvvələri iki pilotsuz təyyarə idarəetmə məntəqəsinə və bir komanda məntəqəsinə zərbələr endirib. Son bir gündə Rusiyanın 845 taktiki səviyyəli pilotsuz uçuş aparatı vurulub.