Rusiyanın Ukraynadakı itkilərinin son sayı açıqlandı

Rusiya Silahlı Qüvvələrinin Ukraynada itirdiyi hərbçilərin sayı 165 mini ötüb. Məlumatı Ukrayna Silahlı Qüvvələrinin Baş Qərargahı yayıb.

Bildirilib ki, martın 20-nə keçən gecə Rusiya Ukraynada 700-dən çox hərbçi itirib, ümumilikdə öldürülən rusiya əsgərlərinin sayı 165 610-a yüksəlib.

Qeyd edək ki, Rusiya qoşunlarının müharibədəki digər döyüş itkiləri 3 537 tank, 6 869 zirehli maşın, 2 160 operativ-taktiki PUA, 507 reaktiv yaylım atəşi sistemi, 2 577 artilleriya sistemi, 270 hava hücumundan müdafiə sistemi, 305 təyyarə, 290 helikopter, 5 415 avtomobil və tanker, 265 xüsusi texnika və 907 qanadlı raketdən ibarətdir.