Rusiyanın Ukraynaya bu istiqamətdə diversiya cəhdlərinin qarşısı alındı

Rusiyanın ən yeni ortamənzilli zenit-raket kompleksi olan “Buk-M3” məhv edilib.

Əməliyyat “Qara Meşə” ləqəbli 15-ci əlahiddə artilleriya kəşfiyyat briqadasının döyüşçüləri tərəfindən həyata keçirilib. Kompleksin dəyəri təxminən 45 milyon ABŞ dolları təşkil edir.

Ukrayna Prezidenti Volodimir Zelenskinin sözlərinə görə, Rusiya son 7 gün ərzində 1800-dən çox dron, 1200-dən artıq idarəolunan aviabomba və 83 raket zərbəsi endirib.

“Dronlar Rusiyanın müharibəni uzatmaq üçün istifadə etdiyi vasitələrdən biridir. Bu təhdidi neytrallaşdırmalıyıq ki, diplomatik həllər daha tez işə düşsün. Müdafiəmizi gücləndirəcək bütün razılaşmaların yerinə yetiriləcəyinə ümid edirik”, ‒ deyə Ukrayna lideri əlavə edib.

Rusiya Ordusu Dnepropetrovsk vilayətinin ərazisinə daxil olmaq cəhdlərini davam etdirir və artıq inzibati sərhədə çox yaxınlaşıb. Bu barədə yerli kanallara “Xortıtsa” Əməliyyat-Strateji Qüvvələr Qruplaşmasının sözçüsü Viktor Trequbov deyib.

Onun sözlərinə görə, qarşı tərəfin diversiya cəhdlərinə baxmayaraq, hazırda vilayət ərazisində Rusiya qoşunları yoxdur.