Rusiyanın Vardanyan planı açıqlandı

Rusiya Cənubi Qafqazda münaqişələri qızışdırmaq və Ermənistan hakimiyyətini Moskvanın marionetkasına çevirmək istəyir.

Bu barədə ABŞ-nin “The Washington Times” qəzeti yazır. Məqalədə Qarabağdakı erməni separatçılarının “rəhbəri” Ruben Vardanyanın Rusiya Federasiyası tərəfindən maliyyələşdirilməsi və Ermənistanın Baş naziri Nikol Paşinyanı əvəzləmək istəyindən bəhs edilir.

“Rəsmi Moskva Qarabağ üzərində nəzarəti gücləndirməyi və Ermənistandan regionda alət kimi istifadə etməyi planlaşdırır. Kreml Qərbə doğru istiqamətlənən Paşinyanın yerinə Vardanyanı hazırlayır”, - deyə materialda deyilir.

Məqalədə həmçinin qeyd olunur ki, Vardanyanın İranla əlaqələrini Rusiyanın Qorçakov Fondu vasitəsilə izləmək olar. Bu fond müxtəlif ölkələrdə, o cümlədən Ermənistanda məruzəçilərin iştirakı ilə tədbirlər təşkil edir.