Ruslar daha erməni konyakı içməyəcəklər? | Ermənistan konyaklarının 90 %-i…
Rusiya Konyak, Spirtli içkilər və Alkoqollu Məhsullar İstehsalçıları İttifaqının araşdırmasından sonra məlum olub ki, ölkə mağazalarında satılan erməni konyaklarının demək olar ki, 90 faizi təhlükəlidir.
Məlum məsələdir ki, konyak Ermənistanın əsas ixrac məhsuludur və bu məhsulun Rusiyaya ixracına qırmızı işıq yandırılması Ermənistanın xarici gəlirlərində ciddi kəsrlərə səbəb olacaq. Əslində isə məlum qərar İrəvanın qərbyönümlü siyasətinə cavab olaraq Moskvanın qeyri-rəsmi iqtisadi embarqosu sayılır.
Xatırladaq ki, hər dəfə İrəvanla münasibətlər kəskinləşəndə qeyri-müəyyən səbəblərdən Ermənistandan Rusiyaya yük daşıyan avtomobillərin üzünə Lars sərhəd-keçid məntəqəsinin qapıları da bağlanır. Bütün bunların təsadüf olmadığını isə siyasətlə maraqlananlar çox yaxşı bilirlər. Bəs bu qeyri-rəsmi embarqolar geniş miqyas alarsa, məhdudiyyətlər Ermənistanın digər məhsullarına qarşı da yönəlsə, Ermənistanı nə gözləyir?
Ermənistan Statistika Komitəsinin məlumatına görə, 2024-cü ilin ikinci rübündə ölkənin ÜDM-i 6,4%-ə qədər azalsa da, Rusiya ilə ticarət artıb. Deməli, Rusiyada Ermənistan məhsulları ilə bağlı verilən hər hansı qərar, ölkəyə ciddi təsir edəcək. Bəs, Rusiya ilə Ermənistanın iqtisadi münasibətlərində sual yaradan məsələlərin həlli üçün siyasi fəaliyyətlər nəticə verəcəkmi?
Məsələn, bir müddət öncə Ermənistan parlamentinin hakim “Vətəndaş sazişi” partiyasından olan sabiq deputat Qurgen Arsenyan ölkənin Rusiyadakı yeni səfiri təyin edilib.
“Ayrı-ayrı diplomatlar, Rusiyanın ictimai-siyasi xadimləri, Rusiyada yaşayan diaspora Ermənistan-Rusiya münasibətlərini yaxşılaşdırmaq üçün bəyanatlar səsləndirilməsinə baxmayaraq, Ermənistanın siyasi elitası açıq şəkildə qərbyönlüdür. Aşağı nöqtəsindən tutmuş yuxarı nöqtəsinə kimi siyasi elita sorosçular tərəfindən idarə olunur.
Bu baxımdan hansısa ictimai-siyasi xadimin və ya diplomatın mövqe bildirməsi Nikol Paşinyanın apardığı siyasi kursa təsir etməyəcək. Bu həm siyasi, həm iqtisadi sahədədir”, – deyə Azad Məsiyev qeyd edib.
![icon](/images/loading.png)