Ruslar niyə çıxarılır? | Təcili xəbərdarlıq göndərildi

Latviya rəhbərliyi ölkədə qalmaq hüququ olmayan 800 rusiyalını deportasiya edə bilər.

Bu barədə Latviya Miqrasiya Departamentinin nümayəndəsi Madara Puke bildirib.

"Hazırda 800 nəfər Latviyada qalmaq hüququ almayıb, nə daimi, nə də müvəqqəti yaşamaq üçün müraciət ediblər. Həmin şəxslərlə bağlı məlumatları gələcək yoxlanış üçün Dövlət Sərhəd Xidmətinə vermişik. Yaxın həftələrdə bu insanların hələ də Latviyada olub-olmaması bəlli olacaq. Əgər belə olsa, 30 gün müddətinə ölkəni tərk etmələri barədə əmr veriləcək", – deyə Madara Puke qeyd edib.

Pukenin sözlərinə görə, latış dili imtahanından keçə bilməyən Rusiya vətəndaşları iki il müddətinə müvəqqəti yaşamaq icazəsi üçün müraciət edə bilərlər. Bundan sonra onların dil bilikləri yenidən yoxlanılacaq, növbəti dəfə uğursuz olanlar deportasiya ediləcəklər.