Ruslara bu görüntüləri paylaşmamaq tapşırıldı | Rusiyanın şəhərində dəhşət

Rusiyanın Tver vilayətinin Toropets şəhərində kütləvi dron hücumu ilə əlaqədar qismən təxliyə elan edilib.

Bu barədə regional administrasiyadan məlumat verilib.

Bildirilib ki, hazırda vəziyyət nəzarət altındadır. Şəhər sakinlərinə sözügedən hücumla bağlı videogörüntüləri paylaşmamaq tövsiyə edilib.

Vilayətin qubernatoru İqor Rudenya sosial şəbəkə səhifəsində bildirib ki, Rusiya hava hücumundan müdafiə qüvvələrinin vurduğu PUA-nın qalıqlarının yerə düşməsi nəticəsində həmin ərazidə yanğın başlayıb.

Məlumata görə, şəhərdə məktəb və bağçaların fəaliyyəti müvəqqəti olaraq dayandırılıb.

Həmçinin qeyd edək ki, sentyabrın 17-dən 18-nə keçən gecə Rusiyanın Kursk vilayəti üzərində 2 raket, 27 PUA zərərsizləşdirilib.

Rusiyanın Müdafiə Nazirliyinin məlumatına görə, son sutka ərzində ölkənin hava hücumundan müdafiə qüvvələri tərəfindən Ukraynaya məxsus 54 PUA məhv edilib.