Rza Pəhləvidən sensasiyalı mesaj | ABŞ İran xalqının istədiyini edəcək? - Baku TV
“İran xalqının mübarizəsi təkcə özü üçün deyil, həm də dünyanı terrorçu rejimdən xilas etmək üçündür”.
Bunu İranın sonuncu şahı Məhəmmədrza Pəhləvinin oğlu Rza Pəhləvi “Fox News”a deyib.
Onun sözlərinə görə, güc balansını xalqın xeyrinə dəyişməyin yeganə yolu rejimin repressiya alətlərini zərərsizləşdirməkdir:
“Bu, ABŞ Prezidenti Donald Trampın rejimin İran xalqına qarşı zorakılıq tətbiq etməsinin nəticələri ilə bağlı son xəbərdarlıqları çərçivəsində mümkündür. Bu rejimin dediyi sözlərin bir kəlməsinə belə inanmaq olmaz. Onlar aciz halda, sadəcə, vaxt udmağa çalışırlar”.
R.Pəhləvi D.Tramp Administrasiyasının İranla mümkün danışıqları ehtimalı barədə qeyd edib:
“Donald Tramp dediyini yerinə yetirən və sülh tərəfdarı olan adam olduğunu sübut edib. O bilir ki, insan həyatını qorumağın ən yaxşı yolu bu qədər insanın ölümünə səbəb olmuş repressiya alətlərini aradan qaldırmaqdır. Hamımız bilirik ki, radikalizm, terrorizm, nüvə təhdidi və bu rejimin dünyaya zorla qəbul etdirdiyi bütün böhranlara son qoymağın ən yaxşı yolu bu hakimiyyətin bir zərbə ilə aradan qaldırılmasıdır”.
O əlavə edib ki, hələ də meydanda olan etirazçılar amansız rejimin qarşısında silahsızdırlar və hava dəstəyinə ehtiyac duyurlar.
Rza Pəhləvi ABŞ Prezidentinin ritorikasındakı dəyişikliklə bağlı deyib ki, bu dəyişiklik D.Trampın hələ nəzərdən keçirdiyi bütün variantlar barədə açıq danışmaq istəmədiyi və qərarlarını strateji mülahizələr çərçivəsində saxlamağa üstünlük verdiyini göstərə bilər:
“Azadlıq uğrunda mübarizə aparan hər kəs dəstəyə ümid edir, xüsusən də bu dəstək açıq şəkildə bəyan edilibsə. İndi insanlar onun praktiki hissəsini gözləyirlər. D.Tramp “yeni Obama” olmaq istəmir. İndiyədək mövcud olan inam ondan ibarətdir ki, müəyyən addımlar atılacaq, əlbəttə, ABŞ Prezidentinin bütün variantları nəzərdən keçirmək hüququ da var”.
#İran teqi istifadə olunub
- ABŞ İranla bağlı planlarından əl çəkib? - Tramp strategiyasını dəyişdi? - Baku TV
- ABŞ və İran arasında razılaşma əldə ediləcək, yoxsa...? - Baku TV CANLI
- ABŞ ilə növbəti nüvə danışıqlarının tarixi müzakirə edilir
- Netanyahu Tehranla yaxşı razılaşma üçün şəraitin yaradıla biləcəyinə inanır
- Qrossi: "İranın bir neçə nüvə bombası hazırlamağa bəs edəcək uranı var"
