Sankt-Peterburqa PUA hücumu oldu, əhali çıxarıldı | Əsas hədəf nə idi?

Rusiyanın Sankt-Peterburq şəhərinə pilotsuz uçuş aparatları ilə hücum olub.

Bu barədə şəhər qubernatoru Aleksandr Beqlov özünün "Telegram" kanalında yazıb.

Bildirilib ki, Ukraynaya məxsus PUA-larla törədilən hücumdan sonra partlayış baş verib. Hadisə nəticəsində 2 yaşayış binasının eyvanları zədələnib, şüşələri sınıb.

İlkin məlumata görə, xəsarət alan olmayıb. Əraziyə təcili tibbi yardım əməkdaşları cəlb olunub. Həmçinin qeyd edilib ki, binalardan 100-ə yaxın sakin təxliyə edilib.

Məlumata görə, Ukrayna ordusunun əsas hədəfi Ruçi neft anbarı olub.