Pleyeri seçin:
Saxta dərman məşhur aktyorun nəvəsini canından etdi
Nyu-Yorkda məşhur aktyor Robert De Nironun nəvəsi Leandro De Niro-Rodrigezin və “Blondie” gitaristi Kris Steinin oğlu Akira Steinin ölümü ilə əlaqəli saxta narkotik şəbəkəsi ifşa edilib.
Şübhəlilərin gənclərə təhlükəli kimyəvi maddələrlə hazırlanmış saxta həblər satdıqları ortaya çıxıb.
“ABC News”un məlumatına görə, Eddie Barreto, Brus Epperson, Qrant MakIver, Cohn Nikolas və Roy Nikolas da daxil olmaqla beş nəfər minlərlə saxta reseptli dərman istehsal etməkdə və Nyu-York şəhərində gənclərə satmaqda ittiham olunur.
İttihamnamədə həblərin qanuni dərman kimi paylandığı, lakin tərkiblərinin təhlükəli olduğu iddia olunur. Qeyd edək ki, 19 yaşlı Leandro De Niro-Rodrigez 2023-cü il iyulun 2-də Manhettendəki evində ölü tapılıb. Tibbi ekspertizanın hesabatında ölüm səbəbi saxta dərmanlardan zəhərlənmə kimi göstərilir.
Kopyalandı
Seçilmişlər
