Selfi qurbanlarının sayı açıqlandı | Hindistanlılar dinc durmur

Selfi çəkərkən həyatını itirənlərin sayı açıqlanıb.

Xarici medianın məlumatına görə, 2014-cü ildən bəri 49 müxtəlif ölkədə ümumilikdə 399 nəfər özünü çəkmək istəyərkən həlak olub.

Bu tip ölüm hallarının ən çox baş verdiyi ölkə isə Hindistandır. Burada son 10 ildə 190 nəfər selfinin qurbanı olub.

Ölənlərin siyahısına görə sonrakı pillələri 29 nəfərlə ABŞ, 18 nəfərlə isə Rusiya tutur.

Məlumat üçün onu da bildirək ki, sözügedən məsələ ilə bağlı ən dəhşətli ölüm halı də elə Hindistanda qeydə alınıb. Belə ki, 2021-ci ildə Amber qalasının qülləsində əlverişsiz hava şəraitinə baxmayaraq, öz şəkilini çəkdirmək istəyən 11 nəfər ildırım vurması nəticəsində həlak olub.