Sensasiyalı qisas zərbəsi: Savaş bu ölkələrə baha başa gələcək | Xarq adasında vəziyyət... - Baku TV

21 mart 2026 276 baxış

İranın əsas neft terminalının yerləşdiyi Fars körfəzindəki Xarq adasında təhlükəsizlik bərpa olunub.

İSNA agentliyi xəbər verir ki, bu barədə İranın Milli Təhlükəsizlik Şurası məlumat yayıb.

"Xarqda təhlükəsizlik tamamilə bərqərar olunub və neft ixracı da problemsiz və fasiləsiz həyata keçirilir", – deyə məlumatda qeyd olunub.

Bildirilib ki, ordunun müdafiə hazırlığı yüksək səviyyəsindədir və bütün hücumlara sarsıdıcı cavab veriləcək.

Qeyd edək ki, İran martın 19-da obyektlərə təkrar hücumlar olacağı təqdirdə Yaxın Şərqdə ABŞ-nin müttəfiqi olan ölkələrin enerji infrastrukturunu tamamilə məhv etməyə hazır olduğunu bəyan edib. Buna səbəb martın 18-də ABŞ və İsrail qoşunlarının İranın əsas neft terminalının yerləşdiyi Fars körfəzindəki Xarq adasına, eləcə də hazırda dünyanın ən böyük qaz yatağı olan "Cənubi Pars"ın obyektlərinə zərbələr endirməsidir.

Xatırladaq ki, dünyanın bir çox ölkələrinin liderləri enerji obyektlərinə hücumları pisləyib.

#Xarq adası