SEPAH Qəzvindəki döyüşlə bağlı açıqlama yaydı

SEPAH Qəzvin əyalətinin səmasında beş "Tomahavk" və bir qanadlı raketin məhv edildiyini açıqlayıb.

Bunu "Pars Today" qəzeti İran İslam İnqilabı Keşikçiləri Korpusunun bəyanatına istinadən xəbər verir.

Məlumata görə, 500 kq-lıq döyüş başlığına malik "Tomahavk" raketi infrastrukturu və hədəfləri məhv etmək üçün istifadə olunur və ABŞ Hərbi Dəniz Qüvvələri tərəfindən geniş istifadə edilir.

Qeyd olunur ki, ABŞ və İsrail qüvvələri 175 məktəbli qızın və bir neçə müəllimin ölümünə səbəb olan Minab məktəbinə hücumda bu tip raketdən istifadə ediblər.

Bu arada, ABŞ Hərbi Dəniz Qüvvələri növbəti ilin büdcəsində 785 ədəd "Tomahawk" qanadlı raketinin alınması üçün 3 milyard dollar, 540 ədəd "Standard Missile 6" zenit raketi üçün isə 4,33 milyard dollar tələb edib.

Genişmiqyaslı tələb Yaxın Şərq münaqişəsi fonunda silah ehtiyatlarının sürətlə azalması ilə əlaqədardır: İranla müharibənin əvvəlindən ABŞ HDQ artıq 850-yə yaxın "Tomahavk" raketindən istifadə edib. Bu sistemlər ABŞ Hərbi Dəniz Qoşunlarının gücünün əsasını təşkil edir. 1,6 min km məsafədəki hədəfləri vurmaq qabiliyyətinə malik "Tomahavk" raketləri ilə esmineslər və zərbə sualtı qayıqları silahlandırılıb, "SM-6" isə gəmilərin raket əleyhinə müdafiəsinin əsas aləti kimi çıxış edir.