SEPAH Yaxın Şərqdəki ABŞ şirkətlərini hədəf alıb

İslam İnqilabı Keşikçiləri Korpusu 91-ci hücum dalğası çərçivəsində ABŞ-nin "USS Abraham Lincoln" aviadaşıyıcısına zərbə endirdiyini bildirib.

Bu barədə SEPAH-ın mətbuat xidmətinə istinadən IRIB telekanalı məlumat yayıb.

"Bu əməliyyat zamanı Hind okeanının şimal hissəsində yerləşən "USS Abraham Lincoln" aviadaşıyıcı zərbə qrupu dörd "Qədr-380" qanadlı raketi ilə vurulub", – deyə İranın dövlət teleradio şirkəti bəyanatdan sitat gətirib.

SEPAH-dan bildirilib ki, əməliyyatın növbəti mərhələlərində Birləşmiş Ərəb Əmirliklərindəki bazalardan birinin kənarında yerləşən ABŞ qırıcılarının bort mühəndisləri və pilotlarının gizli toplanma yeri, həmçinin Küveytdə yerləşən Əli əs-Səlim bazasındakı pilotsuz aparat bölmələri də hədəf alınıb.

Qeyd edək ki, SEPAH-ın Hərbi Dəniz Qüvvələri Dubayda Amerikaya məxsus "Oracle" şirkətinin məlumat mərkəzinə də zərbə endirib.