Serbiyada terror : ölən və yaralı var

Mayın 5-nə keçən gecə Serbiyanın Mladenovats şəhər icmasının Dubona kəndində 21 yaşlı Uroş adlı şəxs insanlara atəş açıb.

Hadisə nəticəsində azı 8 nəfər ölüb, 13 nəfər yaralanıb. Məlumata görə, yaralananlar arasında uşaqlar da var. Onlardan 7-nin vəziyyəti kritik olduğundan ölü sayının artacağı istisna olunmur.

Xarici mətbuatda verilən məlumatlarda bildirilir ki, cinayəti törədən şəxs kənddə işləyən polis əməkdaşı ilə mübahisə edəndən sonra evinə gedərək silah götürüb. Daha sonra mübahisə etdiyi polis əməkdaşının evinə gedərək onun kiçik bacısına və ətrafdakı digər insanlara atəş açmağa başlayıb.

Qeyd edək ki, cinayətkar polis tərəfindən saxlanılıb.