Serj Sarkisyan külli miqdarda pul mənimsəmədə ittiham olunur

İrəvan şəhərinin ümumi yurisdiksiya məhkəməsində hakim Vahe Misakyanın sədrliyi ilə keçirilən iclasda Ermənistanın üçüncü prezidenti Serj Sarkisyanın dindirilməsi başa çatıb. Növbəti məhkəmə prosesi avqustun 24-nə təyin edilib.

Sarkisyana qarşı Cinayət Məcəlləsinin mənimsəmə və israfçılıq maddələrinə əsasən ittiham irəli sürülüb. O, 2013-cü il yanvarın 25-dən fevralın 7-dək bir qrup məmurdan 1 milyon dollardan çox pulu mənimsəmə, oğurlama və israf etməkdə günahlandırılır. Onun ölkədən çıxışına qadağa qoyulub.