Pleyeri seçin:
Seul Tokioya etiraz etdi
Cənubi Koreya iki ölkə arasındakı mübahisəli ada qrupuna həsr olunan hökumət tədbirinin Yaponiyada keçirilməsinə etiraz edib və bu addımı öz ərazisi üzərində əsassız suverenlik iddiası adlandırıb.
Bu barədə Xarici İşlər Nazirliyinin bəyanatında qeyd olunub.
Bildirilib ki, Seul Simane prefekturası tərəfindən təşkil olunan "Takesima Günü"nün keçirilməsinə, eləcə də mərasimdə Yaponiya hökumətinin yüksəkvəzifəli nümayəndəsinin iştirakına qətiyyətlə etiraz edir və Tokionu bu tədbiri dərhal ləğv etməyə çağırır.
"Tokto tarixi, coğrafi baxımdan və beynəlxalq hüquqa uyğun olaraq Cənubi Koreyanın suveren ərazisidir. Yaponiyanı əsassız iddialardan imtina etməyə və tarixə nəzər salmağa çağırırıq", – deyə açıqlamada qeyd olunub.
Nazirlik həmçinin rəsmi etiraz notasını təqdim etmək üçün yüksəkrütbəli Yaponiya diplomatını idarəyə çağırıb.
Kopyalandı
Seçilmişlər
