Si Cinpinin ABŞ səfəri tarixə düşdü | Tramp Çin Sədrinə görə birbaşa hava limanına getdi - Baku TV
Yeniliklərdən dərhal xəbərdar olun
Çin Sədri Si Cinpinin ABŞ-yə üçgünlük dövlət səfəri başlayıb.
Çin lideri və xanımı Pen Liyuanı Vaşinqton yaxınlığındakı Merilend ştatında yerləşən “Endryus” hərbi hava bazasında ABŞ Prezidenti Donald Tramp və birinci xanım Melaniya Tramp qarşılayıblar.
ABŞ Prezidentinin xarici lideri şəxsən hava limanında qarşılaması nadir protokol addımı hesab olunur.
Ağ Evin açıqladığı proqrama əsasən, Si Cinpinin qarşılanma mərasimindən sonra tərəflər arasında rəsmi danışıqlar nəzərdə tutulmayıb.
Səfərin əsas proqramı növbəti gün keçiriləcək. Cümə axşamı Donald Tramp və Melaniya Tramp Çin Sədri və xanımını Ağ Evdə rəsmi mərasimlə qarşılayacaqlar.
Mərasim çərçivəsində dövlət başçılarının çıxışları, Ağ Evin Gül bağında hərbi baxış, həmçinin B-2 bombardmançı təyyarəsi və dörd F-22 qırıcısının iştirakı ilə uçuş nümayişi keçiriləcək. Daha sonra Donald Tramp və Si Cinpin qapalı görüş keçirəcəklər. Axşam isə Ağ Evin Şərq zalında Çin liderinin şərəfinə dövlət ziyafəti təşkil olunacaq.
Danışıqların əsas diqqət mərkəzində ABŞ-Çin ticarət münasibətləri, tariflər, nadir torpaq minerallarının tədarükü və süni intellekt sahəsində rəqabət və əməkdaşlıq olacaq. Tayvan məsələsi və İranla bağlı vəziyyətin də müzakirə ediləcəyi gözlənilir.
Qeyd edək ki, bu, Si Cinpinin son 11 ildə ABŞ-yə ilk dövlət səfəridir. Səfər sentyabrın 25-də başa çatacaq.
#Si Cinpin teqi istifadə olunub
- Sensasiyalı məlumat | ABŞ İran məsələsində Çindən kömək istəyir? - Baku TV
- Si Cinpin üçtərəfli sammitin keçirilməsini istəmir
- "Danışıqlar aparmaq güzəşt demək deyil" | Masa arxasında danışıq, səhnə arxasında mübarizə - Baku TV
- Çində baş tutacağı gözlənilən üçtərəfli görüş müsbət nəticələnə bilərmi? - ƏSAS XƏBƏR
- Nüvə silahları tam ləğv edilə bilər? | Tramp Ağ Evdən dünyaya kritik mesaj verdi - Baku TV CANLI
