Qlobal təhlükəsizlik ön planda | Görüşün dünya nizamına təsiri nə olacaq? - Baku TV
Yeniliklərdən dərhal xəbərdar olun
Çində ABŞ Prezidenti Donald Tramp, Rusiya Prezidenti Vladimir Putin və Çin Sədri Si Cinpinin üçtərəfli görüşü başa çatıb.
Danışıqlarda nüvə silahlarına nəzarət, Ukrayna müharibəsi və qlobal təhlükəsizlik məsələləri müzakirə olunub. Görüşdən sonra konkret razılaşma açıqlanmayıb.
Politoloq Turab Rzayev hesab edir ki, görüşün əsas istiqamətlərindən biri nüvə silahlarına nəzarət məsələsidir.
Onun sözlərinə görə, ABŞ Çinin də bu prosesə qoşulmasında maraqlıdır, çünki Pekin nüvə arsenalını sürətlə genişləndirir:
“ABŞ istəyir ki, Çin də nüvə silahlarının məhdudlaşdırılması ilə bağlı danışıqlarda iştirak etsin. Vaşinqton Çinin nüvə imkanlarının artımının qarşısını almağa və bu prosesi nəzarətə götürməyə çalışır. Lakin Çin indiyədək belə razılaşmalardan yayınmağa üstünlük verib”.
T.Rzayevin fikrincə, Tramp, Putin və Si Cinpinin görüşünü yeni dünya nizamının formalaşması və dünyanın üç güc mərkəzi arasında bölüşdürülməsi kimi qiymətləndirmək hələ tezdir:
“Dünyanın üçə bölünməsi, ABŞ, Çin və Rusiyanın hər birinin öz təsir dairəsini müəyyənləşdirməsi barədə danışmaq üçün hələ tezdir. Avropa İttifaqı, Böyük Britaniya, Hindistan, Braziliya və digər mühüm güc mərkəzləri bu prosesdən kənarda qalıb. Onların iqtisadi, siyasi və hərbi maraqlarını nəzərə almadan yeni dünya nizamının formalaşması mümkün deyil”.
#Turab Rzayev teqi istifadə olunub
