Silahlar yerə qoyuldu, növbəti kritik proses... | Türkiyənin PKK-ya qarşı tarixi qələbəsi

PKK terror təşkilatının bir qrupunun İraqın Süleymaniyyə bölgəsində tərk-silah olması prosesi başa çatıb.

Bildirilib ki, 4-ü komandir olmaqla 30 PKK terrorçusu silahlarını yandırıb.

Silahı yerə qoyan PKK-çıların bəyanatlarında bildirilib ki, hüquqi yollarla mübarizəni davam etdirmək üçün öz iradələri ilə silahlarını məhv ediblər.

PKK tərəfdarları bu addımı təşkilatın lideri Abdullah Öcalanın çağırışı əsasında atdıqlarını bildiriblər.

Qeyd edək ki, PKK terror təşkilatının həbsdəki lideri Abdullah Öcalan növbəti dəfə tərəfdarlarına “silahı yerə qoyun” çağırışı edib. İmralıdan videobağlantı vasitəsilə PKK üzvlərinə müraciət edən Öcalan onları dərhal tərk-silah prosesinə başlamağa çağırıb.

“Mən silahın gücünə deyil, siyasətin gücünə inanıram. Sizi bu prinsipə əməl etməyə çağırıram”, ‒ PKK lideri açıqlamasında deyib.