Şimali Makedoniyada 7 günlük matəm elan olundu | Dəhşətli yanğının detalları

Şimali Makedoniyada gecə klubunda yanğın baş verib. Hadisə Koçani şəhərində qeydə alınıb. Yanğın nəticəsində 59 nəfər ölüb, 150-yə yaxın insan xəsarət alıb.

Bu barədə məlumat yerli mediada paylaşılıb.

Ölkənin Baş naziri Kristian Mikoski yanğınla bağlı xalqa səslənib: "Koçanidə baş verən yanğınla əlaqədar çağırılan hökumətin bugünkü fövqəladə iclasında ölkə ərazisində 7 günlük matəm elan edilməsi barədə qərar qəbul edilib. Hər kəs bu qərara əməl etməyə borcludur, onun pozulmasına görə sərt cəzalar nəzərdə tutulur".

Yaxınlarını itirən və hadisədən xəbər tutan yerli sakinlər yanğının baş verdiyi əraziyə axın edərək həyatını itirənlərin xatirəsinə şamlar yandırıb. Yanğına nəyin səbəb olması barədə hələ ki dəqiq məlumat verilməsə də, ilkin ehtimal kimi qısaqapanma variantı nəzərdən keçirilir. Hadisənin terror olub-olmaması isə araşdırılır.