“Simpsonlar”ın ABŞ-də keçirilən seçkilərlə bağlı proqnozu necə idi?

Bir neçə proqnozu düz çıxan “Simpsonlar” bu dəfə yanılıb.

Belə ki, cizgi filmində prezidentin Kamala Harris seçildiyi proqnozlaşdırılsa da, Donald Tramp seçilib. Artıq Donald Tramp ABŞ-nin 47-ci prezidentidir.

“Simpsonlar” (The Simpsons) 1989-cu ildə yaradılmış Amerika animasiya televiziya şousudur. Cizgi film “Springfield” adlı şəhərdə yaşayan Simpson ailəsinin gündəlik həyatını təsvir edir.

Baş qəhrəmanlar – ailənin atası Homer, anası Marge, oğlanlar Bart, qızları Maggie, Lisa və ailənin digər ətrafındakı rəngarəng personajlardır. Homer simvolik olaraq bəzən sadəlövh və tənbəl bir xarakter olaraq təsvir edilir, lakin hər zaman ailəsini sevən bir ata kimi tanınır.

“Simpsonlar” şousu bir çox futuristik proqnozları ilə diqqət mərkəzində olub. Məsələn, 2000-ci ildə yayımlanan bir bölümündə Donald Trampın ABŞ prezidentliyini qazanacağı proqnozlaşdırılıb və 2016-cı ildə bu reallaşıb. Həmçinin 1995-ci ildə yayımlanan bir bölüm videokonfrans texnologiyalarının geniş yayılacağını göstərmişdi, bu da pandemiya dövründə dünya miqyasında gerçəkləşib.