Pleyeri seçin:
Sinan Akçıl Burcu Kıratlı ilə ayrılığı barədə bunları ilk dəfə dedi
Məşhur sənətçi Sinan Akçıl illərdir gündəmdən düşməyən Burcu Kıratlı ilə ayrılığı barədə ilk dəfə detallı danışıb.
Türkiyə mediası xəbər verir ki, onun açıqlamasına görə, boşanma qərarı verildiyi dövrdə Türkiyə Prezidenti Rəcəb Tayyib Ərdoğan məsələyə şəxsən münasibət bildirib və cütlüyə tələsməməyi məsləhət görüb.
S.Akçıl o dövrdə yaşananları belə təsvir edib: “Cənab Prezident ayrılığın gənclərə yanlış mesaj verəcəyini söylədi və bizə münasibətimizi bir daha düşünməyi tövsiyə etdi”.
Müğənni söhbətin Burcu Kıratlı və Əminə Ərdoğanın da iştirak etdiyi geniş bir toplantı zamanı baş verdiyini deyib.
Onun sözlərinə görə, R.T.Ərdoğanın bu məsləhəti boşanma prosesini bir müddət təxirə salmağa səbəb olub: “Verdiyi məsləhətlər məntiqli idi, biz də bir daha cəhd etdik. Amma nəticə dəyişmədi”.
Sinan Akçılın bu açıqlaması sosial şəbəkələrdə böyük rezonans yaradıb və qısa müddətdə müzakirələrin əsas mövzusuna çevrilib.
Kopyalandı
#Sinan Akçıl teqi istifadə olunub
Seçilmişlər
