Dünya
Pleyeri seçin:
Slovakiyanın Baş nazirinə silahlı hücum edildi
Slovakiyanın Baş nazirinə qarşı silahlı hücum olub.
Hadisə hökumətin iclasının keçirildiyi binanın qarşısında baş verib. Nəticədə Baş nazir Robert Fitso ağır yaralanıb.
Bu barədə Slovakiya mediası məlumat yayıb. Bildirilib ki, hökumət başçısı döş qəfəsindən və mədəsindən bir neçə güllə yarası alıb.
Onun vəziyyətinin çox ağır olduğu bildirilir. Hadisə Handlova şəhərində qeydə alınıb. Robert Fitso xəstəxanaya yerləşdirilib.
Slovakiya Prezidenti Zuzana Çaputova Baş nazirə edilən bu qəddar hücumu pisləyib.
Şahidlərin dediyinə görə, R.Fitso Nazirlər Kabinetinin iclasından sonra xalqın qarşısına çıxdığı zaman ard-arda üç-dörd güllə səsi eşidiblər. Atəş açan şəxs dərhal saxlanılıb. Silahlı hücumun motivləri barədə məlumat verilmir.
Kopyalandı
Seçilmişlər
