Şoyqu Ukrayna Ordusunun itkilərini açıqlayıb
Ötən il Ukrayna Silahlı Qüvvələrinin itkiləri 215 min nəfəri keçib.
Bunu Rusiyanın müdafiə naziri Sergey Şoyqu Silahlı Qüvvələrin rəhbərliyi ilə keçirilən iclasda bildirib.
Nazir əlavə edib ki, Rusiya strateji üstünlüyünü saxlayır və məqsədlərinə ardıcıl nail olmağa davam edir:
“Hərbi döyüşlər zamanı ötən il ərzində əks tərəf 215 mindən çox insan və 28 min hərbi texnika itirib. Ukrayna Silahlı Qüvvvələrinin çoxsaylı itkilərinə, resursların tükənməsinə və döyüş meydanında nəticələrin olmamasına, tükənmək üzrə olmalarına baxmayaraq, ABŞ soyuqqanlılıqla, ukraynalıların həyatı bahasına dünya liderliyi ambisiyalarını reallaşdırmağa çalışır. Təbii ki, bu, hərbi təmas xəttində vəziyyəti dəyişməyəcək, əksinə, hərbi münaqişəni uzadacaq”.
Sergey Şoyqu onu da əlavə edib ki, Rusiya Silahlı Qüvvələri və Hərbi Dəniz Donanması müasir silahlar, o cümlədən yeni fiziki prinsiplər və süni intellekt texnologiyalarına əsaslanan silahlar almağa davam edir.