SQ-nin Baş Qərargahından əhaliyə çağırış

İranın İslam İnqilabı Keşikçiləri Korpusu ABŞ-nin Bəhreyndəki bazasına raket hücumu həyata keçirib.

Bu barədə SEPAH "Telegram" kanalında məlumat yayıb.

"Şeyx İsa" aviabazası və ABŞ Hərbi Dəniz Qüvvələrinin Bəhreyndəki 5-ci donanmasının mənzil-qərargahı İran tərəfindən kütləvi raket və pilotsuz aparatı zərbələrinə məruz qalıb", – deyə SEPAH-ın bəyanatında bildirilib.

Daha əvvəl İran Prezidenti Məsud Pezeşkian amerikalı həmkarı Donald Trampın hədələrinə sözlə yox, əməllə cavab veriləcəyini bildirib.

Bu arada Küveyt İran raketləri və PUA-larını ələ keçirdiyini açıqlayıb. Bu barədə "The Times of Israel" qəzeti Küveyt ordusunun bəyanatına istinadən məlumat yayıb.

"Eşidilə biləcək partlayış səsləri Hava Hücumundan Müdafiə sistemlərinin düşmən hücumlarını dəf etməsinin nəticəsidir", – deyə bəyanatda qeyd olunub.

Baş Qərargah əhalini aidiyyəti dövlət qurumlarının təhlükəsizliklə bağlı göstərişlərinə ciddi əməl etməyə çağırıb.