Sülhlə bağlı təcili açıqlama | Zelenski geri addım atır?

Ukraynanın sülh planının əsas bəndləri üzrə işin 90 faizi demək olar ki, tamamlanıb. Rəsmi Kiyev gələn həftə onu beynəlxalq müttəfiqlərə təqdim edəcək.

Bu barədə Ukrayna Prezidenti Volodimir Zelenski öz “Telegram” səhifəsində paylaşdığı videomüraciətdə bildirib.

“Bizim Ukraynanın “Qələbə planı”nın hazırlanması ilə bağlı keçirdiyimiz görüşlər bizə sülhə nail olmaq üçün imkanlar yarada bilər. Müttəfiqlərimizin dəstəyi və dünya birliyinin ədalətli yanaşması ilə sözügedən müqaviləni hazır edə bildik. Uzun sürən müharibədən sonra tək istəyimiz Rusiya tərəfinin geri addım atması, Ukraynanın üzərindən qara buludların çəkilməsinə nail ola bilməkdir. Sülh müqaviləsinin 90 faizindən çoxu artıq hazırdır”, – o vurğulayıb.

Qeyd edək ki, Ukrayna əhalisinin 7 faizi Rusiya ilə sülh danışıqları baş tutarsa, etiraz aksiyalarına qoşulmağa hazır olduğunu bildirmişdi.