Süni intellekt insanları belə ifşa edəcək | Küçəni zibilləyənlər barədə qərar

Çinin Şanxay şəhərindəki yaşayış kompleksində süni intellektin tullantıların atılması işlərinin öhdəsindən necə gəldiyi əyani göstərilib.

Alqoritm obyektləri skan edir, eyni zamanda xəbərdarlıq şəkli və videosu yaradır. Sistem texniki heyətə binalarda tullantılarla bağlı vəziyyəti tam bilməyə yardım edir.

Monitorinq sistemi binanı, ətrafındakı zibillərin mənbəyini tez bir zamanda müəyyən edir və çirklənməni aradan qaldırmaq üçün kommunal xidmət əməkdaşlarına xəbərdarlıq siqnalları göndərir. İşin dəqiq və sürətli görülməsi süni intellekt alqoritmlərindən istifadə sayəsində mümkün olur. Bununla da çoxmərtəbəli binaların ətrafındakı çirklənmənin qarşısı alınır.

Kameralar 24 saat nəzarət işini görür.

Qeyd edək ki, Çində binalardan zibilin atılması ilə bağlı şikayətlər çoxalır. Buna görə də 2021-ci ildən etibarən binalardan çölə zibil atanlara qarşı cəza tədbirləri görülür. Hətta zibili mənzilindən küçəyə atanları bir ilədək həbs gözləyir.