Pleyeri seçin:
Suriya Ordusunun mövqelərinə PUA-larla zərbələr endirildi
Xəbərlərimizi Google-da izləyin
Yeniliklərdən dərhal xəbərdar olun
"Suriya Demokratik Qüvvələri" (SDQ) Hələb şəhərində Suriya Ordusunun mövqelərinə pilotsuz uçuş aparatları ilə zərbələr endirib.
Bu barədə "SANA agentliyi" məlumat yayıb. Qeyd olunur ki, zərbələr Şeyx Maqsud və Əşrəfiyə rayonlarındakı yaşayış məntəqələrinə endirilib.
SDQ-nin hücumundan sonra hakimiyyət Hələb – Qaziantep yolunu bağlayıb. Suriya hərbçiləri pilotsuz uçuş aparatları və raket buraxılış məntəqələrinə cavab zərbələri endirib.
Bundan əlavə, atəş nəticəsində bir hərbçi, həmçinin Kənd Təsərrüfatı İdarəsinin iki əməkdaşı da daxil olmaqla, üç mülki şəxs həlak olub, təxminən 15 nəfər, o cümlədən iki uşaq yaralanıb.
Hələb qubernatoru bildirib ki, səlahiyyətli orqanlar və müvafiq qüvvələr atəş mənbələrini aradan qaldırmaq, vəziyyəti nəzarətdə saxlamaq, həmçinin ictimai təhlükəsizliyi təmin etmək üçün tədbirlər görür.
Kopyalandı
Seçilmişlər
