Tbilisidə güclü partlayış | Ölənlər və yaralananlar var

Gürcüstanın paytaxtı Tbilisinin Boçormi küçəsindəki atıcılıq mərkəzində partlayış baş verib.

Bununla bağlı görüntülər sosial şəbəkələrdə paylaşılıb. Partlayışdan sonra hadisə yerinə polis qüvvələri cəlb olunub.

Daxili İşlər Nazirliyinin ilkin məlumatına görə, insident nəticəsində 2 nəfər həlak olub, 4 nəfər yaralanıb. Partlayışın hansı səbəbdən baş verdiyi hələ ki məlum deyil.

İlkin ehtimalda partlayışa səbəb kimi atıcılıq mərkəzinin nəzdində fəaliyyət göstərən dükandakı qısaqapanma göstərilir.

Hazırda araşdırma aparılır.