Tehran İsrail və ABŞ-yə meydan oxudu | İran yenə sarsıdıcı zərbələrlə üz-üzə qaldı

İsrail Müdafiə Ordusu İranın qərb, şərq və mərkəz hissələrində altı aerodroma zərbə endirib.

Hücum İranın hava məkanında üstünlüyü gücləndirmək səyləri çərçivəsində həyata keçirilib.

"Zərbələr nəticəsində uçuş-enmə zolaqları, yeraltı obyektlər, yanacaq doldurmaq üçün nəzərdə tutulan təyyarə zədələnib. Pilotsuz uçuş aparatları, 15 qırıcı təyyarə və helikopter məhv edilib", ‒ deyə bəyanatda deyilir.

Həmçinin İsrail Hərbi Hava Qüvvələri İranın qərb hissəsində yerləşən Kirmanşahdakı hərbi obyektlərə zərbələr endirib. Təbrizin qərbindəki partlayış bölgəsində İsrail qırıcılarının uçuş səsləri eşidilib.

İran mediası isə yazır ki, İsrail Ordusunun İranın Yəzd şəhərinə endirdiyi hava zərbələri nəticəsində azı 10 hərbçi ölüb.

SEPAH iyunun 23-ü Xürrəmabad şəhəri yaxınlığında İsrailin “Hermes” pilotsuz uçuş aparatının vurulduğunu bildirib. “Times of Israel” yazır ki, PUA əməliyyat tapşırığını yerinə yetirərkən raketlə vurulub.

Hücumlara baxmayaraq, İranın xarici işlər nazirinin müavini bildirib ki, dinc məqsədlər üçün uranı zənginləşdirməyə davam ediləcək.

Bu arada, ABŞ-nin İrana hücumu ilə bağlı daha bir fakt ortaya çıxıb. Belə ki, Tramp İrana hücum əmrini qolf oynayarkən təsdiqləyib.