Tehran müharibəyə məcbur edilərsə, nələr baş verəcək? | Əziz Nəsirzadədən sensasiyalı açıqlama

“Tehran müharibəyə məcbur edilərsə, o zaman Amerika hərbi bazaları və ABŞ-nin Yaxın Şərqdəki müttəfiqləri hücumların qanuni hədəfinə çevriləcək”.

Belə bir bəyanatı İranın müdafiə naziri general Əziz Nəsirzadə IRIB-ə müsahibəsi zamanı səsləndirib.

“İran heç bir müharibəyə başlamayacaq, lakin İslam Respublikasına hücum və ya ona qarşı təcavüz edilərsə, biz güclə cavab verəcəyik. Qonşularımızın düşməni deyilik, onlar qardaşlarımızdır, lakin onların ərazisindəki Amerika bazaları bizim hədəfimizə çevriləcək. Bazalarını vuracağıq, çəkinməyəcəyik və heç bir məhdudiyyət olmadan hərəkət edəcəyik”, − nazir Nəsirzadə bildirib.

Qeyd edək ki, nazirin IRIB-də müsahibəsi zamanı İranın müdafiə sənayesinin yeni inkişafı, uçuş məsafəsi 1 200 kilometrdən çox olan “Qasem Basir” raketi nümayiş etdirilib.

Nəsirzadə bildirib ki, yeni raket sıx yanacaq mühərriki ilə təchiz olunub və Amerikanın THAAD, “Patriot”, İsrailin hava hücumundan müdafiə sistemləri də daxil olmaqla bir çox hava hücumundan müdafiə sistemlərini “yarmağa” qadirdir.