Tehran Vaşinqtonu nə ilə hədələdi? | ”Cavabsız qalmayacaq…” - Baku TV

“İran Silahlı Qüvvələri ABŞ-nin heç bir təxribatçı addımını cavabsız qoymayacaq”.

Bu fikri İran Xarici İşlər Nazirliyinin sözçüsü İsmayıl Bəqai səsləndirib.

“Ayıq-sayıq olmalı və düşmənin hərəkətlərini izləməliyik. Silahlı Qüvvələrimiz tərəfindən heç bir təxribat cavabsız qalmayacaq”, – deyə o bildirib.

İran XİN sözçüsü həmçinin vurğulayıb ki, ABŞ anlaşma memorandumu üzrə çoxsaylı pozuntularına görə məsuliyyət daşımalıdır.

ABŞ Ordusu 31 avqustda İranın İordaniyaya hücumlarını dəf etmək üçün 80-dən çox “Patriot” raketindən istifadə edib. Bu barədə “Military Watch Magazine” portalı məlumat yayıb.

Nəşr qeyd edib ki, bu sayda raket ABŞ-nin “Patriot” raket ehtiyatının təxminən 10%-ni təşkil edə bilər.

İordaniyaya hücumun dəf edilməsi zamanı Almaniyadan yenidən yerləşdirilən iki “Patriot” batareyasından da istifadə olunub. Vurğulanıb ki, hər bir İran raketinə qarşı dördədək “Patriot” ələkeçirici raketi buraxılıb.