Terrordan sonra Rusiyaya getmək çətinləşə bilər? - Açıqlama
Moskvada “Crocus City Hall”da baş verən terror aktından sonra dövlət qurumları miqrant axınına nəzarətin gücləndirilməsi istiqamətində işləri sürətləndirməyi planlaşdırır.
Buna səbəb isə terror aktını törətməkdə şübhəli bilinən 11 şəxsin hər birinin xarici ölkə vətəndaşları olmasıdır.
Rusiya Xarici İşlər Nazirliyinin açıqlamasına görə, miqrant axını son illər sistemli şəkildə nəzərdən keçirilən mövzudur.
“Biz ziyarətçilərin miqrasiya qanunvericiliyimizə riayət etməsinə nəzarətin artırılmasından danışırıq. “Crocus”da baş verən faciə isə sözsüz ki, bu işin sürətləndirilməsinə təsir edib”, – deyə məlumatda qeyd olunub.
Qeyd edək ki, Moskvada baş verən terror nəticəsində azı 137 nəfər həlak olub, 180-dən çox insan yaralanıb. Rəqəmlərin artacağı istisna edilmir.
![icon](/images/loading.png)