Tətil xəbərdarlığı Avropada qazın qiymətini qaldırdı

Avstraliyada işçilərin tətilə hazırlaşması fonunda Avropada qazın bahalaşması davam edir.

Avropada sentyabr ayı üçün qazın qiyməti 18 faiz artaraq hər meqavat-saata görə 43 avroya çatıb.

Avstraliyadakı mayeləşdirilmiş təbii qaz ixracı obyektlərində çalışanlar iş şəraiti və əmək haqqına etiraz olaraq tətil edəcəkləri ilə bağlı xəbərdarlıq ediblər. Nəticədə tədarükün kəsilməsi ilə bağlı narahatlıq qazın qiymətinə təsir edib.

Bildirilir ki, işçilərin tətili qlobal mayeləşdirilmiş qaz ixracının 10 faizinə təsir edə bilər.