Ticarət müharibəsinin ağır fəsadları | Bloomberg nəşrindən sensasiyalı açıqlama

Vyetnamda iqtisadi artım və nəqliyyat infrastrukturunun inkişafı səbəbindən qum tükənir.

Bu barədə "Bloomberg" nəşri məlumat verib.

Məlumata görə, 2018-ci ildə Donald Tramp Çinlə ticarət müharibəsinə başlayıb və bu da zavodların Çindən Vyetnama köçürülməsi ilə nəticələnib. Bu vəziyyət 2024-cü ildə ümumi daxili məhsulun 7%-ə qədər artdığı bu ölkədə iqtisadi yüksəlişə səbəb olub. Lakin istehsalın artması nəqliyyatda problemlərə yol açıb.

Bu problemlərin həlli məqsədilə Vyetnam hökuməti yolların genişləndirilməsi və yeni marşrutların yaradılması üçün irimiqyaslı infrastruktur layihələri həyata keçirməyə başlayıb. Tikinti üçün isə əsas resurs olaraq Kamboca qumu istifadə olunub. Amma indi Vyetnamda qum qıtlığı yaşanır.

Qum çaylardan çıxarılır, lakin bir sıra sahillərin çökməsi nəticəsində evlərin dağılmasına və yerli sakinlərin etirazlarına səbəb olub. Buna görə də hakimiyyət sənayenin tənzimlənməsi ilə bağlı qaydaları sərtləşdirib. Hasilatın genişləndirilməsi ilə bağlı həll yollarını axtaran Vyetnam səlahiyyətliləri keçən il Mekonq çayından qum almaq üçün Kambocaya müraciət ediblər.