Tokayevdən ölkəyə nifaq salmaq istəyənlərlə bağlı açıqlama

“Milli xarakterimizin fərqli cəhətləri həmişə açıqlıq və tolerantlıq olub. Bir çox cəhətdən xalqımızın əsas dəyərləri olan birliyin və harmoniyanın əsasında duran bu keyfiyyətlərdir. Qazaxıstanda istər dil, istər dini, istər etnik, istərsə də sosial zəmində heç bir təzyiq yoxdur və ola da bilməz”.

Bu barədə ölkə Prezidenti Kasım-Jomart Tokayev danışıb.

“Ayrı-ayrı hallar, təxribatlar, təbii ki, baş verir, lakin bəzi vətəndaşların məsuliyyətsizliyi və məlumatsızlığı ucbatından belə faktlar hüquq-mühafizə orqanları tərəfindən aradan qaldırılır və qaldırılacaq”, – deyə K.Tokayev qeyd edib.

Prezident bununla yanaşı qeyd edib ki, xaricdə fəaliyyət göstərən tanınmış şəxslərin ictimai rəyi manipulyasiya etməyə, ölkəyə qarşı əsassız hücumlar etməyə çalışdıqları heç kəsə sirr deyil.

“Qazaxıstanda nifaq salmaq üçün edilən bütün bu muzdlu cəhdlər uğursuzluğa məhkumdur, çünki bizdə nə ictimai, nə də siyasi səviyyədə heç bir “fobiya” olmayıb, yoxdur və olmayacaq. Biz harmonik, ədalətli, sabit cəmiyyət qurmağa davam edəcəyik. Biz mütərəqqi millətik və ona görə də daha da geniş baxmaq, hər cür təxribatlardan üstün olmaq, real tədbirlilik nümunələri göstərmək, qanunun gücünə arxalanmaq lazımdır”, – Prezident deyib.

Onun sözlərinə görə, tarixdə ümidsizlik və inciklik üçün səbəblər axtarılmamalıdır.

“Biz, nə qədər faciəli olsa da, keçmişdə baş vermiş hadisələrdən faydalı dərslər çıxarmalıyıq”, – Prezident vurğulayıb.