Tramp ABŞ-ni belə genişləndirmək istəyir | Bu ölkənin əhalisinə söz verdi ki...

ABŞ-nin yeni seçilmiş prezidenti Donald Tramp Milad təbrikində Kanadanın Baş naziri Castin Trüdonu qubernator adlandırıb və bəyan edib ki, Kanada əraziləri ABŞ-nin 51-ci ştatı olarsa, kanadalılar üçün vergilər 60%-dən çox azalacaq.

O bu barədə “Truth” sosial şəbəkəsindəki səhifəsində yazıb.

“Kanada qubernatoru Castin Trüdonun Milad bayramı mübarək olsun. Onun vətəndaşlarına qoyulan vergilər olduqca yüksəkdir, lakin Kanada 51-ci ştat olarsa, o zaman onların vergiləri 60%-dən çox azalardı, bizneslərinin həcmi ikiqat artardı, özləri isə heç bir başqa ölkədə olmadığı kimi qorunma altında olardılar”, – deyə Tramp bildirib.

Bundan əlavə, ABŞ-nin yeni seçilmiş prezidenti “Panama kanalını diqqətlə, lakin qeyri-qanuni şəkildə idarə edən gözəl Çin əsgərləri”nin də Milad bayramını təbrik edib.

Tramp həmçinin Qrenlandiyaya xoşbəxt Milad bayramı arzu edib, hansı ki, onun sözlərinə görə, milli təhlükəsizlik məqsədləri üçün ABŞ-yə lazımdır və öz torpağında ABŞ-nin mövcudluğunu istəyir.

“Biz orada olacağıq”, – deyə Donald Tramp əlavə edib.