Tramp ABŞ-nin sərvətinə sərvət qatır | Bir günə görün nə qədər qazandırdı

“ABŞ bu ölkədə yaşamaq istəyənlərin hesabına bir günə 5 milyard dollar qazanıb”.

Bunu ABŞ-nin ticarət naziri Hovard Latnik deyib.

O bildirib ki, gün ərzində min “qızıl kart” satılıb. Xarici vətəndaşlara ABŞ-də daimi yaşayış icazəsi verən bu kartın qiyməti 5 milyon dollardır.

“Qızıl kart” proqramının məqsədi ABŞ-nin dövlət borcunun ödənilməsinə zəngin əcnəbiləri cəlb etməkdir. Nazir qeyd edib ki, 200 min kartın satışı Amerikaya 1 trilyon dollar qazandıra bilər.

ABŞ Prezidenti Donald Tramp isə bu rəqəmin daha çox ola biləcəyini düşünür. H.Latnik vurğulayıb ki, D.Tramp 1 milyon “qızıl kart” satılacağı qənaətindədir. Bu da ABŞ-yə 5 trilyon dollar gəlir gətirə bilər.

Hovard Latnik əlavə edib ki, dünyada 5 milyon dollarlıq bu kartı almaq imkanı olan 37 milyon insan var.

Qeyd edək ki, “qızıl kart” ideyası Donald Tramp və milyarder Con Paulson arasında söhbət zamanı yaranıb.