Tramp amerikalıları İranı tərk etməyə çağırıb | "Bu səhər kömək edəcəyinizi dediniz" - Baku TV

14 yanvar 2026 283 baxış

“ABŞ vətəndaşları və ölkənin müttəfiqləri dərhal İranı tərk etməlidirlər”.

Bunu ABŞ Prezidenti Donald Tramp Detroytdakı “Ford” şirkətinin avtomobil zavoduna səfəri zamanı deyib.

“Mən deyərdim ki, İrandan getmək pis fikir deyil”, – deyə o, Amerika vətəndaşlarının İranı tərk etməsinin zəruriliyi barədə suala cavab verib.

Donald Tramp İran müxalifətinə hansı yardımı göstərəcəyini açıqlamaqdan imtina edib. Jurnalistlərdən birinin “Bu səhər İrana kömək edəcəyini dediniz. Bununla nə demək istədiniz?” sualına Tramp belə cavab verib: “Üzr istəyirəm. Siz bunu özünüz anlamalı olacaqsınız”.

Tramp İranda neçə etirazçının öldürülməsi ilə bağlı suala cavabında isə bu barədə dəqiq məlumatı olmadığını deyib.

“Heç kim mənə dəqiq rəqəm deyə bilməyib. Bir nəfər də çoxdur. Yəqin ki, növbəti 24 saat ərzində biləcəyik. Düşünürəm ki, çoxdur”, – deyə Tramp bildirib.

#Donald Tramp